Slökkvilið Akraness var kallað út vegna hugsanlegs elds í járnblendiverksmiðju hjá Elkem á Grundartanga á fjórða tímanum. Enginn opinn eldur tók þó á móti slökkviliði þegar það kom á staðinn, að sögn Jens Heiðars Ragnarssonar slökkviliðsstjóra, en reykur var í húsnæðinu.
Jens segir búið að tryggja vettvang og slökkvilið sé enn að störfum. Þá sé ekki um meiriháttar atvik að ræða. Ekki fengust upplýsingar um upptök reyksins.
Fréttin var uppfærð klukkan 15:50.
