Ronaldo sendur í tveggja vikna sóttkví

Cristiano Ronaldo komst loksins til Ítalíu í gær eftir að hafa verið fastur í Portúgal um helgina þar sem flugvél hans fékk ekki að taka á loft frá Madríd þar sem hún var staðfest.

Ronaldo hafði verið í heimahögunum, í Madeira í Portúgal, og verið þar í sjálfskipuðu sóttkví eftir að veiran fór að brjótast út á Ítalíu. Þrátt fyrir að Ronaldo sé mættur til Tórínó getur hann ekki tekið þátt í æfingum liðsins næstu daga.

Sömu reglur gilda á Ítalíu og hér á Íslandi og þarf Ronaldo því að fara í fjórtán daga sóttkví við komuna til landsins. Engar sérreglur gilda um knattspyrnumenn né Ronaldo og þarf hann því að halda kyrru heima fyrir næstu fjórtán dagana.

Ítalska deildin hefur verið á ís síðan um miðjan mars og er alls óvíst hvenær hún fer aftur af stað. Á dögunum var slakað á útgöngubanni en tvennum sögum fer að því hvort að fótboltinn geti snúið aftur á Ítalíu þangað til í haust.