Sigvaldi bikarmeistari í Noregi

Sigvaldi Guðjónsson og lið hans Elverum varð í dag norksur bikarmeistari í handbolta annað árið í röð.

Sigvaldi átti frábæran leik fyrir Elverum og skoraði níu mörk í 35-33 sigri á Haslum í úrslitaleiknum. Hann var markahæsti maðurinn á vellinum.

Leikurinn var jafn í hálfleik 14-14 en Elverum náði forystunni snemma í seinni hálfleik. Munurinn í seinni hálfleik varð mestur þrjú mörk og vann Elverum að lokum 35-33.

Sigvaldi hefur átt gott tímabil í bikarnum fyrir Elverum en hann skoraði 18 mörk í undanúrslitaleiknum gegn Halden.

Íslenski landsliðsmaðurinn mun kveðja Elverum í sumar, en hann er búinn að semja við pólksa liðið Kielce.