Ísland 6 - Bandaríkin 0 á heimsleikunum í CrossFit 2015-2018

Íslensku konurnar hafa pakkað þeim bandarísku saman á síðustu CrossFit leikum þrátt fyrir að þær síðarnefndu hafi verið á heimavelli.

Íslensku CrossFit stelpurnar hafa komist sex sinnum á verðlaunapall á síðustu fjórum heimsleikum í CrossFit en keppni hefst í dag á 2019 leikunum í Madison.

Engin þjóð hefur átt svo marga verðlaunahafa í kvennaflokki á heimsleikunum frá og með 2015 þegar Katrín Tanja Davíðsdóttir varð fyrst hraustasta kona heims.

Það er fróðlegt að bera saman árangur íslensku stelpnanna við árangur bandarísku CrossFit stelpnanna.

Bandaríkin hafa nefnilega ekki átt konu í verðlaunasæti á heimsleikunum síðan 2014 þegar Julie Foucher varð í 3. sætinu á eftir Camille Leblanc-Bazinet og Anníe Mist Þórisdóttur fyrir fimm árum.

Vonandi tekst íslensku stelpunum að halda þessu góða gengi áfram á leikunum sem hefjast seinna í dag.

Flest verðlaunasæti þjóða í kvennakeppni heimsleikana 2015-2018:

6 - Ísland (Katrín Tanja Davíðsdóttir 3, Sara Sigmundsdóttir 2, Anníe Mist Þórisdóttir 1)

5 - Ástralía (Tia-Clair Toomey 4, Kara Webb 1)

1 - Ungverjaland (Laura Horváth 1)

0 - Bandaríkin (engin)

Efstu þrjár konur á síðustu heimsleikum í CrossFit:

2018

1. Tia-Clair Toomey, Ástralíu

2. Laura Horváth, Ungverjalandi

3. Katrín Tanja Davíðsdóttir, Íslandi

2017

1. Tia-Clair Toomey, Ástralíu

2. Kara Webb, Ástralíu

3. Anníe Mist Þórisdóttir, Íslandi

2016

1. Katrín Tanja Davíðsdóttir, Íslandi

2. Tia-Clair Toomey, Ástralíu

3. Sara Sigmundsdóttir, Íslandi

2015

1. Katrín Tanja Davíðsdóttir, Íslandi

2. Tia-Clair Toomey, Ástralíu

3. Sara Sigmundsdóttir, Íslandi