Þær spænsku komu til baka gegn Suður-Afríku

Fyrstu umferð B-riðils á Heimsmeistaramótinu í fótbolta lauk með leik Spánverja og Suður-Afríku nú rétt í þessu en fyrr í dag vann Þýskaland 1-0 sigur á Kína í fyrsta leik riðilsins.

Suður-Afríka komst óvænt yfir með marki Thembi Kgatlana á 25.mínútu og héldu þær forystunni út hálfleikinn. 

Raunar þurftu þær spænsku að hafa mikið fyrir því að jafna metin og kom jöfnunarmarkið ekki fyrr en á 70.mínútu þegar Jennifer Hermoso skoraði úr vítaspyrnu. Spánverjar fengu aðra vítaspyrnu á 82.mínútu þar sem VAR kom við sögu en við sama tilefni fékk Nothando Vilakazi að líta sitt annað gula spjald og þar með rautt.

Hermoso fór aftur á vítapunktinn og kom Spánverjum í 2-1. Lucia Garcia gulltryggði svo sigur Spánverja með marki á lokamínútu venjulegs leiktíma. Lokatölur 3-1 fyrir Spáni.

Síðasti leikur dagsins er viðureign Noregs og Nígeríu í A-riðli og hefst hann klukkan 19:00