Vara við því að fólk hlaði rafbíla í heimilistenglum að staðaldri Kjartan Kjartansson skrifar 21. maí 2019 13:00 Hitamynd sem Jónas tók af tenglinum eftir að hann tók tvinnbílinn úr sambandi. Hitinn inni í tenglinum fór yfir sjötíu gráður. Jónas Hallgrímsson Afar algengt er að rafbílaeigendur hlaði bíla sína í venjulegum heimilistengjum þrátt fyrir að þau séu ekki hönnuð fyrir svo langa og mikla notkun. Sérfræðingur hjá Orku náttúrunnar segir dæmi um kviknað hafi í húsum erlendis af þessum sökum en svo alvarleg atvik hafi ekki átt sér stað á Íslandi. Rafbílaeign hefur færst í aukana á Íslandi á undanförnum árum. Ekki virðast þó allir eigendur rafbíla átta sig á að venjuleg heimilisrafmagnstengi eru ekki hönnuð til að hlaða orkufreka bílana. Hætta er á að tengin ofhitni og skemmist. Í verstu tilfellum getur skapast eldhætta af þeim. Jónas Hallgrímsson, rafvirkjameistari, tók á dögunum myndir með hitamyndavél af heimilistengli sem hann tengdi tvinnbíl sinn við í heimahúsi með millisnúru. Eftir að hann hafði tekið bílinn úr sambandi var hitinn inni í tenglinum yfir sjötíu gráður. „Aðalhitamyndunin er í tenglinum sjálfum. Ef hann er til dæmis inni í einangrun, frauðplasteinangrun eins og er algengt í húsum, eða timburvegg þá getur þú bara verið í stórhættu,“ segir Jónas við Vísi. Sjálfur segist hann hafa séð fólk stinga rafbíl í hleðslu inn um glugga í venjulegt fjöltengi þar sem önnur raftæki eins og fartölva og lampi eru fyrir í sambandi. Venjulegir heimilistenglar þola ekki langtímaálag yfir tíu amperum þó að þeir séu gefnir upp fyrir sextán amper. „Svona tengill dugar kannski fyrir þvottavél en svona stöðugt álag það bara gengur ekki,“ segir Jónas.Guðjón Hugberg Björnsson, tæknistjóri hlaða hjá Orku náttúrunnar.Orka náttúrunnarNotar jafnmikla orku og öll hin raftækin til samans Guðjón Hugberg Björnsson, tæknistjóri hlaða hjá Orku náttúrunnar, segir að tilfellið sem Jónas myndaði sé eins slæmt og það verður af hans reynslu að dæma. Hætta sé til staðar enda fari mikil orka á rafbíla. Dæmi séu þannig um að kviknað hafi í út frá heimilistenglum sem notaðir voru til að hlaða rafbíla erlendis. Eina dæmið sem hann þekki hérlendis hafi farið vel þar sem húsráðandi hafi áttað sig á því þegar lítill bruni kom upp í heimilistengli í geymslu. Þá hafi kviknað í tveimur bílum út frá framlengingarsnúrum á Grandanum í Reykjavík fyrr á þessu ári. Rafhlöður bílanna sluppu þó óskemmdar. Þetta sé ástæðan fyrir því að bæði Orka náttúrunnar og Veitur vari rafbílaeigendur við því að nota heimilistengla til að hlaða bíla sína og mæla með því að þeir noti þar til gerðar hleðslustöðvar. „Venjulegur tengill er ekki gerður fyrir svona langa notkun á svona miklu afli,“ segir Guðjón og bendir á að rafbíll noti jafnmikla orku og öll önnur raftæki á venjulegu heimili á mánuði. Engum dytti í hug að taka út alla orku heimilisins á einum tengli. Guðjón mælir með því að rafbílaeigendur fái fagmenn til að setja upp heimahleðslustöðvar svo allt sé rétt sett upp. Hann bendir á að í öllum nýrri íbúðum séu settir upp sérstakir rafmagnstenglar fyrir þvottavélar og þurrkara. „Þau taka svipað afl en bara í brotabrot af tímanum. Það þykir það öllum eðlilegt að fá rafvirkja til að leggja fyrir þvottavél og þurrkara þannig að manni finnst hitt ekki óeðlileg krafa að fá fagmann til að leggja fyrir stærsta raftækinu á heimilinu sem er bíllinn þinn,“ segir hann. Hann líkir því að hlaða í heimilistengli við það að keyra um á varadekki. „Það er ekki gert ráð fyrir að þú keyrir á því alla daga ársins. Þetta er bara svona ef manni vantar hleðslu einhvers staðar en ekki til daglegrar notkunar. Það er ekki ætlast til þess,“ segir Guðjón. Bílar Mest lesið Fjölskylda flugmanns Icelandair vill að lögregla rannsaki andlát hans Innlent Hvers vegna að fella ísbirni? Innlent Drengnum hafi ekki verið trúað í fyrstu Innlent Stjörnublaðamaður í straff vegna sambands við Kennedy Erlent Vörpuðu líkum fram af húsþaki á Vesturbakkanum Erlent Eiginmaður íslenskrar konu lét sig hverfa rétt eftir brúðkaupið Innlent Framboð Baldurs þurfti að endurgreiða styrki sem fóru yfir hámark Innlent Í gæsluvarðhald vegna kókaínsendingar Innlent Myndgreiningarkerfi geti hjálpað til við að stoppa af óprúttna aðila Innlent Áfram í varðhaldi fyrir að ræna og hóta ungmennum Innlent Fleiri fréttir Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Sjá meira
Afar algengt er að rafbílaeigendur hlaði bíla sína í venjulegum heimilistengjum þrátt fyrir að þau séu ekki hönnuð fyrir svo langa og mikla notkun. Sérfræðingur hjá Orku náttúrunnar segir dæmi um kviknað hafi í húsum erlendis af þessum sökum en svo alvarleg atvik hafi ekki átt sér stað á Íslandi. Rafbílaeign hefur færst í aukana á Íslandi á undanförnum árum. Ekki virðast þó allir eigendur rafbíla átta sig á að venjuleg heimilisrafmagnstengi eru ekki hönnuð til að hlaða orkufreka bílana. Hætta er á að tengin ofhitni og skemmist. Í verstu tilfellum getur skapast eldhætta af þeim. Jónas Hallgrímsson, rafvirkjameistari, tók á dögunum myndir með hitamyndavél af heimilistengli sem hann tengdi tvinnbíl sinn við í heimahúsi með millisnúru. Eftir að hann hafði tekið bílinn úr sambandi var hitinn inni í tenglinum yfir sjötíu gráður. „Aðalhitamyndunin er í tenglinum sjálfum. Ef hann er til dæmis inni í einangrun, frauðplasteinangrun eins og er algengt í húsum, eða timburvegg þá getur þú bara verið í stórhættu,“ segir Jónas við Vísi. Sjálfur segist hann hafa séð fólk stinga rafbíl í hleðslu inn um glugga í venjulegt fjöltengi þar sem önnur raftæki eins og fartölva og lampi eru fyrir í sambandi. Venjulegir heimilistenglar þola ekki langtímaálag yfir tíu amperum þó að þeir séu gefnir upp fyrir sextán amper. „Svona tengill dugar kannski fyrir þvottavél en svona stöðugt álag það bara gengur ekki,“ segir Jónas.Guðjón Hugberg Björnsson, tæknistjóri hlaða hjá Orku náttúrunnar.Orka náttúrunnarNotar jafnmikla orku og öll hin raftækin til samans Guðjón Hugberg Björnsson, tæknistjóri hlaða hjá Orku náttúrunnar, segir að tilfellið sem Jónas myndaði sé eins slæmt og það verður af hans reynslu að dæma. Hætta sé til staðar enda fari mikil orka á rafbíla. Dæmi séu þannig um að kviknað hafi í út frá heimilistenglum sem notaðir voru til að hlaða rafbíla erlendis. Eina dæmið sem hann þekki hérlendis hafi farið vel þar sem húsráðandi hafi áttað sig á því þegar lítill bruni kom upp í heimilistengli í geymslu. Þá hafi kviknað í tveimur bílum út frá framlengingarsnúrum á Grandanum í Reykjavík fyrr á þessu ári. Rafhlöður bílanna sluppu þó óskemmdar. Þetta sé ástæðan fyrir því að bæði Orka náttúrunnar og Veitur vari rafbílaeigendur við því að nota heimilistengla til að hlaða bíla sína og mæla með því að þeir noti þar til gerðar hleðslustöðvar. „Venjulegur tengill er ekki gerður fyrir svona langa notkun á svona miklu afli,“ segir Guðjón og bendir á að rafbíll noti jafnmikla orku og öll önnur raftæki á venjulegu heimili á mánuði. Engum dytti í hug að taka út alla orku heimilisins á einum tengli. Guðjón mælir með því að rafbílaeigendur fái fagmenn til að setja upp heimahleðslustöðvar svo allt sé rétt sett upp. Hann bendir á að í öllum nýrri íbúðum séu settir upp sérstakir rafmagnstenglar fyrir þvottavélar og þurrkara. „Þau taka svipað afl en bara í brotabrot af tímanum. Það þykir það öllum eðlilegt að fá rafvirkja til að leggja fyrir þvottavél og þurrkara þannig að manni finnst hitt ekki óeðlileg krafa að fá fagmann til að leggja fyrir stærsta raftækinu á heimilinu sem er bíllinn þinn,“ segir hann. Hann líkir því að hlaða í heimilistengli við það að keyra um á varadekki. „Það er ekki gert ráð fyrir að þú keyrir á því alla daga ársins. Þetta er bara svona ef manni vantar hleðslu einhvers staðar en ekki til daglegrar notkunar. Það er ekki ætlast til þess,“ segir Guðjón.
Bílar Mest lesið Fjölskylda flugmanns Icelandair vill að lögregla rannsaki andlát hans Innlent Hvers vegna að fella ísbirni? Innlent Drengnum hafi ekki verið trúað í fyrstu Innlent Stjörnublaðamaður í straff vegna sambands við Kennedy Erlent Vörpuðu líkum fram af húsþaki á Vesturbakkanum Erlent Eiginmaður íslenskrar konu lét sig hverfa rétt eftir brúðkaupið Innlent Framboð Baldurs þurfti að endurgreiða styrki sem fóru yfir hámark Innlent Í gæsluvarðhald vegna kókaínsendingar Innlent Myndgreiningarkerfi geti hjálpað til við að stoppa af óprúttna aðila Innlent Áfram í varðhaldi fyrir að ræna og hóta ungmennum Innlent Fleiri fréttir Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Sjá meira