Mata við stuðningsmenn United: Þið eigið betra skilið

Miðjumaður Man. Utd er virkur bloggari og færsla hans í dag hefur vakið þó nokkra athygli.

Ástæðan er sú að bloggfærsla dagsins er stutt og hnitmiðuð. „Þið eigið betra skilið. Frekari orð eru óþörf,“ er allt og sumt sem Mata skrifar í dag.

Meistaradeildardraumur Man. Utd dó endanlega í gær er liðið gat ekki tekið þrjú stig í leik gegn lélegasta liði ensku úrvalsdeildarinnar, Huddersfield.

Liðið hefur verið í frjálsu falli síðustu vikur. Það hefur fengið aragrúa tækifæri til þess að koma sér ofar í töflunni en aldrei nýtt það. Niðurstaðan er því sár vonbrigði.

Fastlega er búist við mikilli hreinsun á leikmannahópi Man. Utd í sumar.