Alba tryggði Barcelona sigur

Barcelona hélt áfram för sinni að öðrum Spánarmeistaratitilinum í röð með eins marks sigri á Real Sociad í kvöld.

Fyrsta mark leiksins kom á síðustu mínútu fyrri hálfleiks. Clement Lenglet skoraði markið með skalla eftir hornspyrnu Ousmane Dembele.

Á 62. mínútu náðu gestirnir að jafna leikinn. Mikel Merino átti frábæra stungusendingu inn á Juanmi sem kláraði færið. Gestirnir gátu hins vegar ekki fagnað lengi því aðeins tveimur mínútum seinna komust Börsungar aftur í forystu. Það gerði Jordi Alba með frábæru skoti úr teignum.

Fleiri urðu mörkin ekki, 2-1 sigur Barcelona í höfn.

Börsungar eru nú með níu stiga forskot á Atletico Madrid þegar fimm leikir eru eftir.