Suðurnesjaliðin bara með 22 prósent sigurhlutfall í síðustu tveimur úrslitakeppnum

Það eru heldur betur breyttir tímar í körfuboltanum á Suðurnesjunum og annað árið í röð er enginn karlakörfubolti í gangi í aprílmánuði í Reykjanesbæ eða í Grindavík.

Suðurnesjaliðin unnu 20 af 23 fyrstu Íslandsmeistaratitlunum í sögu úrslitakeppni karla. Á árunum 1984 til 2006 voru það aðeins þrjú lið utan Suðurnesja sem náðu að vinna Íslandsmeistaratitilinn.

Nú er öldin önnur. Suðurnesjalið vann Íslandsmeistaratitil fyrir sex árum síðan (Grindavík 2013) og tvö þau sigursælustu (Keflavík og Njarðvík) hafa ekki unnið titilinn í meira en áratug. Keflavík vann síðast fyrir ellefu árum (2008) og það eru þrettán ár síðan Njarðvík varð síðast Íslandsmeistari (2006).

Öll þrjú Suðurnesjaliðin duttu út í átta liða úrslitunum í ár og er þetta annað árið í röð sem ekkert Suðurnesjalið er í undanúrslitunum. Það hafði aldrei gersrt fyrir árið 2018 en hefur nú gerst tvö ár í röð.

Síðasta Suðurnesjaliðið til að vinna seríu í úrslitakeppni var lið Grindavíkur í undanúrslitaeinvíginu 2017.  

Suðurnesjaliðin unnu aðeins 2 af 11 leikjum sínum í úrslitakeppninni í fyrra (18 prósent) og voru ekki mikið skárri í ár eða með 3 sigra í 12 leikjum (25 prósent). Suðurnesjaliðin eru því bara með 22 prósent sigurhlutfall í síðustu tveimur úrslitakeppnum eða 5 sigra í 23 leikjum.

Hér fyrir neðan má sjá yfirlit yfir gengi Keflavíkur, Njarðvíkur og Grindavíkur í úrslitakeppninni síðustu ár sem og yfirlit yfir fjölda Suðurnesjaliða í undanúrslitum úrslitakeppninnar frá upphafi.



Gengi Suðurnesjaliðanna í átta liða úrslitum síðustu tvö tímabil

2017-18  (2 sigurleikir, 9 tapleikir)

Keflavík tapaði 2-3 fyrir Haukum

Grindavík tapaði 0-3 fyrir Tindastól

Njarðvík tapaði 0-3 fyrir KR

2018-19  (3 sigurleikir, 9 tapleikir)

Keflavík tapaði 0-3 fyrir KR

Grindavík tapaði 1-3 fyrir Stjörnuni

Njarðvík tapaði 2-3 fyrir ÍR

Samtals: 5 sigurleikir, 18 tapleikir, 22% sigurhlutfall



Suðurnesjalið í undanúrslitum úrslitakeppni karla 1984-2019

2019 - Ekkert

2018 - Ekkert

2017 - 2 (Keflavík, Grindavík)

2016 - 1 (Njarðvík)

2015 - 1 (Njarðvík)

2014 - 2 (Grindavík, Njarðvík)

2013 - 1 (Grindavík)

2012 - 1 (Grindavík)

2011 - 1 (Keflavík)

2010 - 2 (Keflavík, Njarðvík)

2009 - 2 (Grindavík, Keflavík)

2008 - 2 (Keflavík, Grindavík)

2007 - 2 (Njarðvík, Grindavík)

2006 - 2 (Keflavík, Njarðvík)

2005 - 1 (Keflavík)

2004 - 3 (Keflavík, Njarðvík, Grindavík)

2003 - 3 (Grindavík, Keflavík, Njarðvík)

2002 - 3 (Keflavík, Njarðvík, Grindavík)

2001 - 2 (Njarðvík, Keflavík)

2000 - 2 (Njarðvík, Grindavík)

1999 - 3 (Keflavík, Njarðvík, Grindavík)

1998 - 2 (Njarðvík, Keflavík)

1997 - 3 (Keflavík, Grindavík, Njarðvík)

1996 - 3 (Grindavík, Keflavík, Njarðvík)

1995 - 3 (Njarðvík, Grindavík, Keflavík)

1994 - 3 (Njarðvík, Grindavík, Keflavík)

1993 - 3 (Keflavík, Grindavík)

1992 - 2 (Keflavík, Njarðvík)

1991 - 3 (Njarðvík, Keflavík, Grindavík)

1990 - 3 (Keflavík, Njarðvík, Grindavík)

1989 - 2 (Keflavík, Njarðvík)

1988 - 2 (Njarðvík, Keflavík)

1987 - 2 (Njarðvík, Keflavík)

1986 - 2 (Njarðvík, Keflavík)

1985 - 1 (Njarðvík)

1984 - 1 (Njarðvík)