Norð­maður drakk kampa­vín undir stýri

Lögregla í Noregi stöðvaði í gærkvöldi roskinn karlmann þar sem hann drakk kampavín undir stýri.

Lögreglan greindi frá málinu á Twitter-síðu sinni, en um var að ræða karlmann á áttræðisaldri í bænum Hamar, um 120 kílómetrum norður af höfuðborginni Ósló.

Ábending hafði borist lögreglu um að sést hafi til mannsins þar sem hann drakk undir stýri.

„Það kom ábending um ökumann sem keyrði og drakk kampavín á sama tíma. Umræddur maður var stöðvaður og kom í ljós að bílstjórinn, maður á áttræðisaldri, var ölvaður,“ segir lögregla á Twitter.

Maðurinn var færður á lögreglustöð og hefur verið sviptur ökuréttindum.

HAMAR, kl. 1712: Innkommet tips om en bilist som kjørte og drakk champagne samtidig. Stanset av politiet og det viste seg at fører, en mann i 70-årene var beruset. Tas med for videre prøver. Anmeldelse og førerkortbeslag.

— Politiet i Innlandet (@politiinnlandet) March 20, 2019