James Wade endaði sigurgöngu Hollendingsins snjalla með því að vinna viðureign þeirra 7-3. Van Gerwen var 3-2 yfir en þá fór James Wade á mikið flug og tryggði sér sigur með því að vinna fimm sett í röð.
„Margir gefast upp á móti Michael að óþörfu en ég hélt út og er mjög ánægður með sigurinn,“ sagði James Wade eftir sigurinn. Hann komst upp í annað sætið með þessum sigri og er nú bara einu stigi á eftir Michael van Gerwen.
"A lot of people fold against Michael when they shouldn't and I stuck at it tonight, so I'm delighted to get the win."
James Wade ended Michael van Gerwen's winning start to the @unibet Premier League season on Night Four.
Report, quotes and images https://t.co/pF4CAH2XTKpic.twitter.com/8D1G7lx6mm
— PDC Darts (@OfficialPDC) February 28, 2019
Michael van Gerwen hafði unnið þrjá fyrstu leiki sína í úrvalsdeildinni en keppt er með deildafyrirkomulagi með 2 stig fyrir sigur og 1 stig fyrir jafntefli. Úrslitin ráðast síðan í fjögurra manna úrslitakeppni en Michael van Gerwen hefur unnið úrvalsdeildina undanfarin þrjú ár og fjórum sinnum alls.
Rob Cross, heimsmeistarinn frá 2018, hafði tapað illa á móti Michael van Gerwen í vikunni á undan en Cross kom öflugur til baka og vann sannfærandi 7-1 sigur á Daryl Gurney í gær.
Mensur Suljovic og Michael Smith unnu síðan báðir fyrstu sigra sína í úrvalsdeildinni á þessu tímabili. Suljovic vann Peter Wright 7-4 og Raymond van Barneveld réð ekki við Smith.
Michael Smith varð í öðru sæti á HM um áramótin en var að spila á öðrum fætinum eftir að hafa þurft að láta fjarlægja ígerð úr mjöðm á dögunum. Smith lét það ekki stoppa sig og komst fyrir vikið upp úr neðsta sætinu.
Luke Humphries og Gerwyn Price gerðu svo 6-6 jafntefli í síðustu viðureigninni og fá því eitt stig hvor.
Hér fyrir neðan má sjá skemmtilegt yfirlit yfir fjórðu umferðina í gærkvöldi.
DARTING DELIGHT
The Premier League delivered again on Thursday night as @MvG180 slipped to his first defeat and the chasing pack closed in.... https://t.co/zSjdJU2jBvpic.twitter.com/7JNfgWMNfF
— Sky Sports Darts (@SkySportsDarts) March 1, 2019
Úrslitin í 4. umferðinni:
Luke Humphries 6-6 Gerwyn Price
Daryl Gurney 1-7 Rob Cross
Mensur Suljovic 7-4 Peter Wright
Michael van Gerwen 3-7 James Wade
Michael Smith 7-4 Raymond van Barneveld
Staðan eftir 4. umferðina:
1. Michael van Gerwen 6 stig
2. James Wade 5 stig
3. Rob Cross 5 stig
4. Gerwyn Price 5 stig
5. Mensur Suljović 4 stig
6. Peter Wright 4 stig
7. Daryl Gurney 4 stig
8. Michael Smith 3 stig
9. Raymond van Barneveld 2 stig
