Handbolti

Sjáðu svakalega neglu Ólafs Guðmundssonar í Meistaradeildinni um helgina

Óskar Ófeigur Jónsson skrifar
Ólafur Guðmundsson.
Ólafur Guðmundsson. EPA/ANTONIO BAT
Íslenski landsliðsmaðurinn Ólafur Guðmundsson skoraði frábært mark fyrir Kristianstad á móti HC Vardar í Meistaradeildinni um helgina.

Sænska liðið þurfti reyndar að sætta sig við naumt tap í leiknum en Ólafur gerði heldur betur sitt og skoraði 9 mörk úr aðeins 13 skotum í leiknum.

Flottasta markið var án ef flautumark hans í lok fyrri hálfleiks. Ólafur lét þá vaða á markið og boltinn söng óverjandi upp í bláhorninu.

Markið fær líka góða auglýsingu á Twitter síðu Meistaradeildarinnar eins og sést hér fyrir neðan.





Ólafur kom Kristianstad yfir í 17-16 með þessu frábæra marki en því miður tókst sænska liðinu ekki að halda út í seinni hálfleiknum.

Ólafur fór í mikinn ham á síðustu ellefu mínútunum í fyrri hálfleiknum og skoraði þá fimm marka sinna.

Ólafur fagnaði líka flautumarkinu sínu vel eins og sjá má hér fyrir ofan.

Fimm af níu mörkum Ólafs komu með þrumuskotum fyrir utan punktalínuna en fjögur nær markinu.

Handbolti

Mest lesið


Fleiri fréttir

Sjá meira


×

Mest lesið