Eftir að hafa verið grænmetisæta í nokkur ár ákvað Guðrún Sóley að taka veganúar með trompi eitt árið og sneri ekki til baka og hefur nú verið vegan í þrjú ár og fer á kostum í eldhúsinu. Eva Laufey Kjaran Hermannsdóttir kíkti í heimsókn til Guðrúnar og fékk að kynnast veganisma.
Guðrún Sóley hefur gefið út matreiðslubók sem inniheldur eingöngu vegan uppskriftir sem hún hefur þróað í eldhúsinu sínu og hefur hún veganvætt ýmsar klassískar uppskriftir þar á meðal djúsí kjötsamloka í borgarabrauði.
Hér að neðan má sjá hvernig Guðrún Sóley ber fram samlokuna Sóða Jóa eða sem margir þekkja á enskunni sem Sloppy Joe.
