Bubbi kom Þráni á óvart þegar hann óð syngjandi inn í hljóðverið

Þráinn Steinsson, útvarps- og tæknimaður á Bylgjunni, er fimmtugur í dag en heyra má í honum alla virka morgna á Bylgjunni í Bítinu.

Í þættinum í morgun var vel haldið upp á daginn og fékk Þráinn fjölmargar afmælisgjafir. Meðal þeirra var kóngurinn sjálfur, Bubbi Morthens, sem mætti óvænt í hljóðverið og kom Þráni á óvart.

Bubbi steig inn í hljóðverið og söng fyrir Þráinn. Hann kom úr Kjósinni til þess eins að heilsa upp á afmælisbarnið. Skemmtileg uppákoma og spjall sem heyra má hér að neðan.