Sannur Finni sveik út greiðslur vegna sánabaðs

Finnska lögreglan rannsakar nú meint fjársvik þingmannsins Ville Vahamaki vegna greiðslna sem hann sótti til þingsins. New York Times greinir frá..

Vahamaki, sem situr á þingi fyrir flokk Sannra Finna, hafði sótt um hærri greiðslur vegna annars heimilis sem hann kvaðst reka. Finnska dagblaðið Iltalehti greindi hins vegar frá því í júlí að þingmaðurinn hefði verið að sækja greiðslurnar vegna sánaklefa sem hann hafði ásamt öðrum þingmanni verið með á leigu. Sánaklefinn var staðsettur í kjallara íbúðarhúsnæðis í Helsinki, höfuðborgar Finnlands. 

Vahamaki er því grunaður um að hafa svikið úr þinginu um 13.000 evrur sem hann hefur þó greitt til baka. Vahamaki sagði í samtali við Iltalehti í sumar að hann hafi notað sánuna til þess að þvo þvott.

Finnskir þingmenn eiga rétt á skattfrjálsum greiðslum vegna heimilis sem þeir reka fjarri heimabæ sínum eða ef þeir eru á leiguma