Guðrún Arnar til Djurgården

Miðvörðurinn Guðrún Arnardóttir hefur samið við sænska liðið Djurgården í Svíþjóð. Þetta staðfesti umboðsmaður hennar við 433.is í dag.

Guðrún hóf meistarflokksferil sinn með Selfossi en gekk síðar til liðs við Breiðablik og hefur verið lykilmaður í liði Blika meðfram því að hún spilaði í háskólaboltanum í Bandaríkjunum.

Miðvörðurinn hefur verið í kringum A-landsliðið síðustu ár og á fimm A-landsleiki á baki fyrir Ísland.

Hún sagði upp samningi sínum við Blika á dögunum og hefur nú skrifað undir hhjá Djurgården. Djurgården lauk leik í sænsku úrvalsdeildinni í áttunda sæti á nýliðnu tímabili.

Hjá Djurgården leika íslensku landsliðskonurnar Guðbjörg Gunnarsdóttir og Ingibjörg Sigurðardóttir.