Hollendingar eru bronsverðlaunahafar á EM í handbolta kvenna eftir fjögurra marka sigur á Rúmenum í leiknum um þriðja sætið.
Nycke Groot skoraði fimm mörk fyrir Hollendinga og Lois Abbingh og Angela Malestein bættu fjórum við hvor í 24-20 sigrinum í París í dag.
Fyrsta markið kom ekki fyrr en eftir tvær mínútur og var það Abbingh sem skoraði það. Debbie Bont bætti öðru við fyrir Holland áður en fyrsta mark Rúmena kom á 6. mínútu frá Cristina Laslo.
Hollendingarnir byggðu forskot sitt hægt og rólega í fyrri hálfleiknum og þegar flautað var til hálfleiks var staðan orðin 8-15 fyrir þær hollensku.
Þegar korter lifði af leiknum tóku þær rúmensku áhlaup og skoruðu fjögur mörk í röð, staðan orðin 18-21. Þær komust þó ekki nær og lokatölur 20-24.
Hollendingar nældu í bronsið
Ástrós Ýr Eggertsdóttir skrifar

Mest lesið


Fékk dauðan grís í verðlaun
Fótbolti





„Við erum búnir að brenna skipin“
Íslenski boltinn



„Taka hringi á jörðinni og öskra eins og þú sért að fæða barn“
Íslenski boltinn