Jón Dagur lagði upp fyrir Vendsyssel

Íslenski unglingalandsliðsmaðurinn Jón Dagur Þorsteinsson var í byrjunarliði Vendsyssel þegar liðið mætti botnliði Hobro í dönsku úrvalsdeildinni í fótbolta í dag en Jón Dagur var nýverið lánaður til Danmerkur frá enska úrvalsdeildarliðinu Fulham.

Jón Dagur lagði upp fyrsta mark leiksins fyrir Andreas Kaltoft á 28.mínútu þar sem heimamenn komust yfir.

Hobro náði hins vegar að jafna metin skömmu fyrir leikhlé og staðan í leikhléi því jöfn.

Jóni var skipt af velli á 82.mínútu en fleiri mörk voru ekki skoruð í leiknum og niðurstaðan því jafntefli, 1-1.

Vendsyssel hefur níu stig eftir níu leiki og er í tíunda sæti deildarinnar en fjórtán lið leika í dönsku úrvalsdeildinni.