Hræddur og sakbitinn
Bennett og Argento hafa nú bæði tjáð sig um ásakanirnar. Bennett hafði óskað eftir friði frá fjölmiðlum þangað til hann væri reiðubúinn að senda frá sér yfirlýsingu, sem hann gerði seint í gær.Þar sagðist hann hafa verið of „hræddur og sakbitinn“ til að stíga fram og segja sögu sína, þangað til nú. Þá snerti hann einnig á því hversu erfitt það væri fyrir hann sem karlmann að vera fórnarlamb kynferðisofbeldis sökum viðhorfa í samfélaginu.
Eins og áður hefur komið fram heldur Bennett því fram að Argento hafi brotið á sér kynferðislega á hótelherbergi í Kaliforníu árið 2013. Hann var 17 ára þegar meint brot á að hafa verið framið og hún 20 árum eldri, eða 37 ára. Samræðisaldur í Kaliforníu er 18 ár.
![](https://www.visir.is/i/6595AF274A2D49DE22C4358CF276064B54C256A735EFF6BBA2459355A66A1618_713x0.jpg)
Bourdain stóð með kærustu sinni
Argento sendi fyrst frá sér yfirlýsingu í fyrradag og þvertók þar fyrir að hafa átt í kynferðislegu sambandi við Bennett. Hún viðurkenndi þó að hafa greitt honum fyrir að þegja um málið í apríl síðastliðnum.Fram kom í yfirlýsingunni að þáverandi kærasti hennar, sjónvarpskokkurinn Anthony Bourdain, hafi séð um greiðsluna sem nam 380 þúsund Bandaríkjadölum, eða um 41 milljón íslenskra króna. Argento og Bourdain höfðu verið par í rúmt ár áður en hann lést nú í júní.
Argento sagði jafnframt í yfirlýsingu sinni að Bourdain hefði ákveðið að „veita Bennett fjárhagslega aðstoð“ vegna „gegndarlausra“ beiðna um fé frá þeim síðarnefnda.
Sjálfur var Bourdain ötull stuðningsmaður #MeToo-hreyfingarinnar. Í smáskilaboðum á milli Argento og Bourdain, sem TMZ segist hafa undir höndum, fullvissar hann hana um að engin játning um misferli felist í greiðslunni. Þá segist Bourdain jafnframt standa með kærustu sinni hvað sem á dynur.
![](https://www.visir.is/i/D219E469ACEA36561DFFC93BEA8E4B8C97492757C5828E6F7C9F7EA115D3D24B_713x0.jpg)
Sagðist ekki hafa vitað að Bennett væri undir lögaldri
TMZ hefur einnig birt smáskilaboð, sem sögð eru vera á milli Argento og vinar hennar. Í skilaboðunum segir hún að Bennett hafi átt frumkvæðið að samförum sem þau stunduðu á hótelherberginu. Þá fullyrðir Argento að hún hafi ekki vitað að Bennett væri undir lögaldri.Samantekt TMZ á smáskilaboðum Argento, auk myndar af orðsendingu sem Bennett á að hafa skrifað Argento eftir að þau hittust á hótelinu, má nálgast hér. Þó ber að athuga að ekki hefur fengist staðfest að skilaboðin hafi raunverulega verið send og þá heldur ekki að þau séu frá Argento.
#MeToo-hreyfingin fyrir alla
Málið hefur einkum vakið athygli vegna þess að Argento er sjálf einn af forsprökkum #MeToo-hreyfingarinnar. Hún er ein þeirra kvenna sem sakað hafa fyrrverandi kvikmyndaframleiðandann Harvey Weinstein um að hafa nauðgað sér og hefur verið hávær í baráttu sinni gegn kynferðisofbeldi síðustu misseri.Leikkonan Alyssa Milano, sem einnig hefur látið í sér heyra undir merkjum #MeToo, tjáði sig um ásakanirnar á hendur Argento í vikunni. Hún sagði mikilvægt að muna að fórnarlömb kynferðisofbeldis geta líka verið gerendur.
Upphafskona #MeToo-hreyfingarinnar, Tarana Burke, notaði einnig tækifærið og brást við ásökunum Bennett á Twitter. Hún sagði hreyfinguna ætlaða öllum, þar á meðal þeim hugrökku karlmönnum sem stigið hafa fram og sagt frá kynferðisofbeldi sem þeir hafa verið beittir. Burke hvatti fólk til að láta ekki þetta eina mál kollvarpa allri hreyfingunni.
I've said repeatedly that the #metooMVMT is for all of us, including these brave young men who are now coming forward. It will continue to be jarring when we hear the names of some of our faves connected to sexual violence unless we shift from talking about individuals [+]
— Tarana (@TaranaBurke) August 20, 2018
The men who were accused in the movement lost their careers, reputation and their livelihood. What about Asia Argento? As of today, she is still a part of the X Factor Italy. If a man did what they are accusing her, he would not be working tomorrow.
— Gloria Johnson (@ggirlno1) August 22, 2018