Vonarstjörnur íslenskrar raftónlistar gefa út myndband við lagið C3PO

Raftónlistartvíeykið ClubDub stimplaði sig inn í íslenskt tónlistarlíf í sumar og komu þeir félagar fram á Secret Solstice.

Hljómsveitin ClubDub samanstendur af þeim Aroni Kristni Jónassyni og Brynjari Barkarsyni, en lögin eru útsett af ra:tio, sem eru þeir Teitur Helgi Skúlason og Bjarki Sigurðarson.

ClubDub gaf út sjö laga plötu að nafninu JuiceMenu fyrr í sumar en nú hafa þeir gefið út myndband við lagið C3PO sem er heldur betur af dýrari gerðinni eins og sjá má hér að neðan.