Anníe Mist og Katrín Tanja græddu á því að vera hlið við hlið í maraþonróðrinum

Anníe Mist Þórisdóttir og Katrín Tanja Davíðsdóttir eru ekki bara að keppast um að verða fyrsta konan til að vinna heimsleikana þrisvar sinnum því þær eru einnig góðar vinkonur og hafa verið það lengi.

Dave Castro, hæstráðandi heimsleikanna í CrossFit, vakti athygli á því á Instagram-síðu sinni að þær Anníe og Katrín Tanja hafi verið hlið við hlið á meðan þær komust í gegnum rúmlega þriggja klukkutíma róður í lokagrein mikvikudagsins.

„Ég reyndi að tala við Katrínu en hún svaraði ekki,“ sagði Anníe þegar hún ræddi við Dave Castro eftir maraþonróðurinn. „Ég sagði: Við erum að standa okkur svo vel Katrín. Segðu mér að við séum að standa okkur vel,“ sagði Anníe Mist.

„Sagðir þú það? Ég heyrði ekki í þér,“ sagði Katrín Tanja en bætti svo við: „Það var langbest að hafa hana við hliðina á mér. Það færði mér ró og hughreystingu,“ sagði Katrín Tanja.

Báðar enduðu þær meðal fimm efstu. Anníe Mist varð þriðja og Katrín Tanja endaði í fimmta sæti.

Hér fyrir neðan má sjá færsluna á Instagram-síðu Dave Castro.

 

Longtime friends @anniethorisdottir and @katrintanja performed the marathon row on rowers next to one another. - “I tried to talk to Katrin but she didn’t reply,” says Annie. - “I said ‘We’re doing so good, Katrin. Tell me we’re doing good.’” - “You said that?” asks Davidsdottir. “I couldn’t hear you.” - “Having her next to me was the best,” Davidsdottir continues. “It just brings me comfort.” - Both women finished the marathon row in the top five. Thorisdottir took third and Davidsdottir took fifth. - Thorisdottir “didn’t think it was that bad.” - @CrossFitGames @Reebok @antlucicphotography #CrossFitGames

A post shared by Dave Castro (@thedavecastro) on Aug 1, 2018 at 7:08pm PDT

Anníe Mist og Katrín Tanja fengu frídag í gær en í dag er komið að næstu tveimur greinum í keppninni. Anníe Mist er þriðja í heildarkeppninni en Katrín Tanja er í sjötta sæti.

Katrín Tanja má ekki dragast mikið meira aftur úr ætli hún að vera með í baráttunni um fyrsta sætið.