Tiger heltist úr lestinni á þriðja hring | Thomas í kjörstöðu

Justin Thomas hefur þriggja högga forystu eftir þriðja keppnisdag á Bridgestone Invitational mótinu sem fram fer í Akron, Ohio í Bandaríkjunum um helgina.

Englendingarnir Ian Poulter og Tommy Fleetwood voru ásamt Bandaríkjamanninum Justin Thomas jafnir í fyrsta sæti á samtals ellefu höggum undir pari eftir tvo hringi en Thomas spilaði best þeirra í gær og er nú einn í fyrsta sæti á samtals fjórtán höggum undir pari.

Rory Mcllroy hefur blandað sér í baráttuna en hann er jafn Ian Poulter í öðru sæti á samtals ellefu höggum undir pari.

Tiger Woods spilaði hins vegar ekki nógu vel á þriðja hring eftir að hafa verið á meðal efstu manna eftir tvo hringi. Hann lék þriðja hring á samtals 73 höggum og féll niður um átján sæti. Hann er á samtals þremur höggum undir pari fyrir lokahringinn sem fram fer í dag.

Útsending frá lokahringnum hefst á Stöð 2 Sport 4 klukkan 16:00.

Sunday's final round pairings at #BridgestoneInv@JustinThomas34 & @McIlroyRory @IanJamesPoulter & @JDayGolf

This will be fun. pic.twitter.com/NHdbfZYbLa

— WGC_Bridgestone (@WGC_Bridgestone) August 4, 2018