Faðir Mesut Özil ráðleggur syni sínum að hætta með þýska landsliðinu

„Ef ég væri í hans stöðu myndi ég segja, takk fyrir, en þetta er komið gott,“ segir Mustafa, faðir þýska landsliðsmannsins og leikmanns Arsenal, Mesut Özil.

Mesut Özil hefur fengið sinn skerf af gagnrýni eftir að þýska landsliðið féll óvænt úr keppni á HM í Rússlandi, en liðið endaði í neðsta sæti F-riðils á mótinu.

Fyrirboða þess sem koma skildi mátti ef til vill sjá á æfingaleikjum liðsins í aðdraganda mótsins, en þar tapaði Þýskaland síðustu tveimur leikjum sínum, gegn Brasilíu og Austurríki.

„Hann er beygður, vonsvikinn og móðgaður, já móðgaður. Hans eigin stuðningsmenn bauluðu á hann fyrir heimsmeistaramótið í æfingarleik gegn Austurríki og hann skilur ekki af hverju.“

„Mesut [Özil] hefur verið fyrirmynd í fjölda ára. Þessa aðstaða er fáránleg. Hann elskar Þýskaland og hefur sýnt tryggð við þjóðina. Það að hann sé gerður að blóraböggli er virkilega ósanngjarnt.“