Start með mikilvægan sigur á meðan Sandefjord kastaði frá sér forystu

Íslendingaliðið Start vann afar mikilvægan sigur á Stabæk í norsku úrvalsdeildinni í knattspyrnu en Start vann 2-1 sigur. Annað lið með Íslending innanborðs lenti í meiri vandræðum.

Aron Sigurðarson var tekinn af velli í uppbótartíma en Start lenti undir. Sigurmarkið kom svo á 62. mínútu en Kristján Flóki Finnbogason var ónotaður varamaður.

Með sigrinum er Start komið upp að hlið Stabæk og Lilleström í þrettánda til fimmtánda sæti deildarinnar. Fjórtánda sætið er umspilssæti en það fimmtánda er fall.

Emil Pálsson og félagar í Sandefjord eru í vandræðum. Þeir eru á botni deildarinnar með sex stig eftir að hafa kastað frá sér tveggja marka forystu gegn Haugesund á útivelli.

Sandefjord leiddi 2-0 í hálfleik gegn Haugesund en fékk á sig fjögur mörk í síðari hálfleik, þar af tvö í uppbótartíma. Emil spilaði allan leikinn fyrir Sandefjord sem er átta stigum frá öruggu sæti.