Blaut vika framundan í höfuðborginni

Skammt suðvestur af Reykjanesi eru úrkomuskil á leið inn á landið. Að sögn Veðurstofunnar munu þau leiða til þess að það þykknar upp og fer að rigna á sunnan- og vestanverðulandinu með deginum. Smálægð er norður af Langanesi, en hún heldur áfram að fjarlægjast landið og því birtir til um landið norðaustanvert með deginum.

Í kjölfar úrkomuskilanna mun svo snúast í vestanátt ef marka má spákort Veðurstofunnar, það dregur úr úrkomu, en áfram stöku skúrir, og kólnar heldur. Hitinn verður þannig á bilinu 8 til 14 stig að deginum en líklega um 2 til 8 stig á morgun.

Þessi vestanátt helst fram á morgundaginn og má búast við skúrum eða slydduéljum og gætu því fjöll gránað. Útlit er fyrir að önnur smálægð komi upp að austanverðu landinu og verður því rigning þar, talsverð á köflum.

Í vikunni verða svo suðlægar áttir ríkjandi með vætu á köflum á sunnan- og vestanverðu landinu en lengst af þurrt norðan- og austanlands.



Veðurhorfur á landinu næstu daga

Á þriðjudag:

Vestan 8-15 m/s um landið sunnan- og vestanvert með stöku skúrum eða slydduéljum. Norðlægari austanlands og talsverð rigning rigning á láglendi. Hiti 2 til 8 stig, mildast syðst. 

Á miðvikudag:

Suðvestan 5-13 og rigning eða súld, en þurrt og bjart norðaustan- og austanlands. Hiti 5 til 10 stig. 

Á fimmtudag:

Vaxandi suðlæg átt og þykknar upp með deginum. Suðaustan 13-18 m/s og rigning um kvöldið en skýjað og þurrt norðaustantil. Hiti 7 til 15 stig, svalast á Vestfjörðum. 

Á föstudag:

Suðvestan átt og stöku skúrir um landið vestanvert en rofar til austanlands. Heldur kólnandi veður. 

Á laugardag:

Hæg suðvestan eða breytileg átt, stöku skúrir vestantil en léttskýjað eystra. Hiti 5 til 10 stig. 

Á sunnudag (hvítasunnudagur):

Útlit fyrir hæga suðlæga átt með dálítilum skúrum á víð á dreif. Hiti breytist lítið.