Gríðarlegar sprengingar í Kabúl

Þrjár stórar sprengjur sprungu í miðborg Kabúl, höfuðborg Afganistan, í morgun. Tvær þeirra spungu nærri tveimur lögreglustöðvum og segja vitni að fjöldi skothvella hafi heyrst skömmu síðar.

Óttast er að mannfallið kunni að vera mikið en það liggur ekki fyrir á þessari stundu.

Talíbanar og liðsmenn Íslamska ríkisins í Afganistan hafa ítrekað ráðist á stjórnvöld þar í landi vegna stuðnings þeirra við Vesturveldin. Tvær sjálfsvígsprengjuárásir í drógu til að mynda 25 til dauða í Kabúl í síðustu viku. Þar af voru níu blaðamenn. 

Sú árás er sögð vera sú mannskæðasta í borginni síðan árið 2001. Ekki er útilokað að árás dagsins hafi verið enn mannskæðari.

Fréttin verður uppfærð