Rúnar Alex Rúnarsson var á sínum stað á milli stanganna hjá Nordsjælland þegar liðið heimsótti stórlið FCK á Parken í dönsku úrvalsdeildinni í fótbolta í dag.
Nordsjælland komst yfir á 37.mínútu með marki Ernest Asante og þannig hélst staðan allt þar til á 71.mínútu þegar Rasmus Falk jafnaði fyrir heimamenn eftir undirbúning Viktor Fischer.
Nordsjælland lék síðustu mínúturnar manni færri þar sem Mikkel Damsgaard fékk að líta rauða spjaldið á 83.mínútu. Heimamönnum tókst að nýta sér liðsmuninn því Federico Santander gerði sigurmarkið þegar fjórar mínútur voru komnar fram yfir venjulegan leiktíma. Lokatölur 2-1 fyrir FCK.
Þremur stigum munar á Nordsjælland og FCK í 3. og 4.sæti deildarinnar en Midtjylland og Bröndby eru langefst í efstu tveimur sætunum með tíu stigum meira en Nordsjælland í 3.sætinu.
Rúnar Alex stóð í markinu í svekkjandi tapi á Parken
Arnar Geir Halldórsson skrifar

Mest lesið


Sniðganga var rædd innan HSÍ
Handbolti




Besta-spáin 2025: Stoppa stutt við eftir langa eyðimerkurgöngu
Íslenski boltinn

Brady óskaði Willum, Alfonsi og félögum til hamingju
Enski boltinn


„Þið eruð ekki nógu duglegar að tuða í dómurunum“
Íslenski boltinn

Besta-spáin 2025: Þurfa aftur fimm réttar og jóker
Íslenski boltinn