Tíu hlutir sem ganga ekki upp í Friends

Gamanþættirnir Friends njóta ennþá gríðarlegrar vinsældra og horfa milljónir manna á þættina daglega.

Friends voru framleiddir á árunum 1994-2004 og þekkja Íslendingar þættina vel. Það þekkja margir þá list að vitna í Friends og sumir hverjir muna nánast orðrétt hvernig hver einasti þáttur fór fram.

Þættirnir komu inn á Netflix í janúar og eru þeir því að eignast sífellt fleiri og fleiri aðdáendur.

Á YouTube-síðunni MsMojo er búið að taka saman tíu atriði sem ganga í raun ekki upp í þáttunum vinsælu. Það er greinilega erfitt að vera með öll smáatriði á hreinu í tíu þáttaraða söguþræði.