Hilmar Snær Örvarsson hefur lokið keppni á Ólympíumóti fatlaðra sem nú fer fram í Pyeongchang í Suður-Kóreu en hann hafnaði í þrettánda sæti í svigi.
Alls tóku 40 þátt í keppninni og 22 komust í mark. Hilmar kom í mark á 1:50,59 mínútum og var rúmum 14 sekúndum á eftir Adam Hall frá Nýja-Sjálandi sem vann gull.
Hilmar Snær keppti einnig í stórsvigi á mótinu og hafnaði þar í 20. sæti. Fram kemur á heimasíðu ÍF að með árangrinum hafi hann bætt punktastöðu sína á heimslistanum talsvert.
Hilmar hafnaði í þrettánda sæti
Tengdar fréttir
Hilmar Snær í tuttugasta sæti í PyeongChang
Hilmar Snær Örvarsson hefur lokið sinni fyrri grein á Vetrar-Paralympics í PyeongChang en hann tók þá þátt í stórsvigskeppninni.
Gáfu borgarstjóranum Ísland
Íslenski keppnishópurinn á Vetrarólympíumóti fatlaðra var í dag boðinn velkominn í Ólympíuþorpið.
