Aron Jóhannsson fékk sjaldséð tækifæri í liði Werder Bremen í 2-1 sigri gegn Schalke á útivelli í þýska boltanum í dag en Aron lék stærstan hluta seinni hálfleiksins.
Hafa tækifæri hans í Þýskalandi verið af skornum skammti en þjálfaraskipti fyrr í vetur gætu hafa opnað nýjar dyr fyrir hann hjá Werder Bremen sem berst fyrir lífi sínu í deildinni.
Evgen Konoplyanka kom Schalke yfir í fyrri hálfleik og leiddu heimamenn í hálfleik en Max Kruse jafnaði metin þegar 10. mínútur voru til leiksloka. Fylgdi hann þá eftir tilraun Arons og setti boltann í autt netið.
Zlatko Junuzovic skoraði sigurmark Bremen á 93. mínútu leiksins en með sigrinum skaust Werder Bremen upp um tvö sæti, upp í 15. sæti en þeir berjast fyrir lífi sínu í efstu deild þessa mánuðina.
Aron nýtti langþráð tækifæri og átti þátt í jöfnunarmarki Bremen
Kristinn Páll Teitsson skrifar

Mest lesið


Þóra um hártogið í Bestu: „Þetta er bara botnhegðun“
Íslenski boltinn


Neymar hlustaði á hjartað sitt
Fótbolti





