Sara Björk framlengir við Wolfsburg

Landsliðsfyrirliðinn Sara Björk Gunnarsdóttir tilkynnti á Twitter í dag að hún væri búin að framlengja samningi sínum við þýska félagið Wolfsburg.

Nýi samningur Söru við félagið er til ársins 2020. Hún fer því ekkert á næstunni.

Sara Björk gekk í raðir Wolfsburg árið 2016 og hefur þegar orðið þýskur meistari, sem og bikarmeistari, með félaginu. Hún lék áður með sænska liðinu Rosengård í fimm ár.

Sara verður orðin 29 ára gömul er þessi samningur hennar við Wolfsburg rennur út.

I’m Happy to have extended my contract with Wolfsburg until 2020!  pic.twitter.com/a3q1MruBJf

— Sara Björk (@sarabjork18) January 30, 2018