Ísland eða Noregur? María Þórsdóttir í sérstakri stöðu í kvöld

Íslenska kvennalandsliðið í fótbolta mætir Noregi á La Manga í kvöld en það er sterk Íslandstenging í liði Norðamanna í leiknum.

María Þórisdóttir er dóttir íslenska handboltaþjálfarans Þóris Hergeirssonar og spilar með norska landsliðinu í kvöld. Móðir hennar er norsk.

Hún valdi norska landsliðið á sínum tíma yfir það íslenska en hefur húmor fyrir stöðunni sem hún er í eins og sjá má hér fyrir neðan. María fékk ekki ósk sína uppfyllta að mæta Íslandi á EM í Hollandi en mætir íslensku stelpunum á eftir.

 

Gameday! Looking forward to a tough game against my second country today Live on fotball.no kl 18:00 #fotballjentene

A post shared by Maria Thorisdottir (@mariathorisdottir) on Jan 23, 2018 at 3:57am PST

María skoraði sitt fyrsta landsliðsmark í 3-0 sigri á Skotlandi í æfingaleik á La Manga fyrr í þessari viku er hún skallaði laglega inn hornspyrnu og innsiglaði sigurinn.

Fyrsti landsleikur Maríu fyrir Noreg var einmitt leikur á móti Íslandi í Algarvebikarnum 6. mars 2015. Leikurinn í kvöld verður hennar 22. A-landsleikur. Hér má sjá tölfræði hennar með norska landsliðinu.