Lygilegur misskilningur milli Robbie Williams og Pink

Bretinn Robbie Williams rifjaði upp skemmtilega sögu í spjallþætti Graham Norton á dögunum og var hún um þegar hann hitti söngkonuna Pink í fyrsta sinn.

„Við eigum semsagt sameiginlegan vin og sá aðili sagði við mig að Pink langaði að fá að ræða við mig. Ég sagði honum bara að gefa henni tölvupóstfangið mitt og ég hlakkaði til að heyra frá Pink,“ sagði Robbie Williams hjá Norton en Pink var einnig gestur í þættinum.

Robbie fékk í framhaldinu af því tölvupóst frá Pink og skildi hann ekki upp né niður í honum.

„Nokkrum tölvupóstum síðar spurði Pink mig að því hvort ég væri ekki alveg örugglega kokkurinn Robbie,“ sagði Robbie og salurinn sprakk úr hlátri.

„Ég held að ég hafi verið að spyrja hann út í lax.“

Hér að neðan má sjá þetta skemmtilega atriði.