Malmö keypti Arnór Ingva frá Rapid Vín. Hann lék með austurríska liðinu á síðasta tímabili. Á þessu tímabili hefur hann verið á láni hjá AEK í Aþenu en fengið sárafá tækifæri með liðinu.
„Malmö er stærsta félagið í Skandinavíu og þegar ég heyrði af áhuga þess vildi ég fara strax þangað. Það er góð tilfinning að þetta sé frágengið,“ er haft eftir Arnóri Ingva á heimasíðu Malmö.
Arnór Ingvi kannast vel við sig í Svíþjóð en hann lék með Norrköping á árunum 2014-16. Arnór Ingvi var stoðsendingahæsti leikmaður sænsku úrvalsdeildarinnar þegar Norrköping varð meistari 2015.
Arnór Ingvi byrjar að æfa með Malmö í byrjun næsta árs. Hann mun spila í treyju númer átta hjá liðinu.
Välkommen till Malmö FF, Arnór Ingvi Traustason! pic.twitter.com/eyhteJZjsX
— Malmö FF (@Malmo_FF) December 7, 2017
