Helstu áhrifavaldar landsins í útgáfuteiti Sólrúnar Diego

Sólrún Diego og Björn Bragi Arnarson stóðu fyrir útgáfuteiti á Hverfisbarnum í gærkvöldi og mættu helstu áhrifavaldar landsins á svæðið en tilefnið var nýútkomin bók Sólrúnar Heima.

Það er fyrirtækið, Fullt tungl, sem gefur út bókina en það er í eigu grínistans Björns Braga.  Snorri Björnsson tók ljósmyndirnar í bókinni.

Sólrún Diego hefur notið mikilla vinsælda á samfélagsmiðlum og á netinu þar sem hún hefur fjallað um þrif og hagnýt húsráð á skemmtilegan og nýstárlegan hátt. Heima er fyrsta bók Sólrúnar og er hún uppfull af gagnlegum ráðum sem einfalt er að tileinka sér. Í bókinni tekur hún fyrir helstu þætti heimilisins og kennir skilvirkar aðferðir til að halda því hreinu og fallegu án mikillar fyrirhafnar.

Eyþór Árnason, ljósmyndari 365, var á svæðinu í gær og fangaði stemninguna. Hér að neðan má sjá valdar myndir úr teitinu en neðst í fréttinni má sjá þá allar saman í myndasafni.