ESPN: Úrvalslið þeirra sem komust ekki á HM

Gianluigi Buffon, Alexis Sánchez og Gareth Bale eru meðal stærstu stjarnanna sem verða ekki með á HM í Rússlandi næsta sumar.

Nokkrum stórum fótboltaþjóðum mistókst að komast á HM, þ.á.m. Ítalíu, Hollandi, Síle og Bandaríkjunum.

Sterkir leikmenn verða því fjarri góðu gamni þegar flautað verður til leiks á HM í júní á næsta ári.

Að því tilefni valdi ESPN úrvalslið leikmanna sem verða ekki með á HM. Óhætt er að segja að það sé sterkt og myndi gera góða hluti í Rússlandi.

Ítalía og Síle eiga tvo fulltrúa hvor í liðinu. Ekvador, Holland, Austurríki, Gínea, Bandaríkin, Gabon og Wales einn hver.

Úrvalslið ESPN:

Markvörður: Gianluigi Buffon (Ítalía)

Hægri bakvörður: Antonio Valencia (Ekvador)

Miðverðir: Leonardo Bonucci (Ítalía), Virgil van Dijk (Holland)

Vinstri bakvörður: David Alaba (Austurríki)

Miðjumenn: Naby Keïta (Gínea), Arturo Vidal (Síle), Christian Pulisic (Bandaríkin)

Hægri kantmaður: Alexis Sánchez (Síle)

Framherji: Pierre-Emerick Aubameyang (Gabon)

Vinstri kantmaður: Gareth Bale (Wales)

Varamenn:

Jasper Cillesen (Holland)

Daley Blind (Holland)

Gary Medel (Síle)

Miralem Pjanic (Bosnía)

Marek Hamsik (Slóvakía)

Henrikh Mkhitaryan (Armenía)

Arjen Robben (Holland)

Riyad Mahrez (Alsír)

Edin Dzeko (Bosnía)