Dæmdur af útlitinu: Aldrei smakkað nein vímuefni og reynir að vera góð fyrirmynd

Fjallað verður um Rúnar Hroða Geirmundsson í Íslandi í dag í kvöld. Kjartan Atli Kjartansson fékk að fylgjast með honum á æfingum fyrir heimsmeistaramótið í kraftlyftingum sem fram fer í Las Vegas um helgina.

Rúnar þykir sigurstranglegur í sínum flokki og tekur næstum því fjórfalda líkamsþyngd í hnébeygju.

„Ég hef aldrei smakkað áfengi, aldrei smakkað tóbak eða nein vímuefni. Ég reyni bara að vera góð fyrirmynd og ég held að fólk sé að átta sig á þessu, þó maður sé svona útlítandi,“ segir Rúnar, sem skartar fjölmörgum húðflúrum, meðal annars í þættinum í kvöld.

Hér að neðan má sjá brot úr honum.