Segja að Messi gæti spilað fyrir Katalóníu í framtíðinni

Sjálfstæðisbarátta Katalóníu gæti haft mikil áhrif á fótboltann á Spáni enda kemur eitt allra besta knattspyrnufélag heims, Barcelona, frá Katalóníu.

Það væri því mjög slæmt fyrir spænska knattspyrnu að missa lið eins og Barcelona en þar er ekki öll sagan sögð.

Verði Katalónía sjálfstæð og fái landið samþykki frá FIFA þá gæti nýja landsliðið safnað að sér mörgum frábærum leikmönnum þökk sé „galla“ í reglu FIFA um þessi máli.

Á síðustu áratugum hafa margar „nýjar“ þjóðir öðlast sjálfstæði og í framhald aðild að FIFA og um leið hafa leikmenn frá þessum þjóðum fengið leyfi til að skipta um landslið og spila með sinni þjóð.

Enska blaðið The Sun vekur athygli á því að Argentínumaðurinn Lionel Messi gæti verið einn þeirra sem gæti valið það að spila fyrir landslið Katalóníu í framtíðinni.

Katalónía þyrfti þá bæði að fá sjálfsstæði og aðild að FIFA. Það þarf því margt að gerast til þess að þessi möguleiki opnast.  Um leið og þetta tvennt gengur eftir þá er Lionel Messi einn af þeim sem getur skipt um landslið.

Ástæðan er að Lionel Messi hefur búið í Katalóníu frá fjórtán ára aldri. Um leið og hann spilar einu sinni fyrir argentínska landsliðið þá mun hann fyrirgera þessum rétti sínum.

Spænsku landsliðsmennirnir Gerard Pique og Sergi Roberto hjá Barcelona geta líka báðir skipt um landslið.

Hvað þeir ákveða að gera er síðan allt önnur saga. Stór breyta er líka sú að Spánverjar ætla að gera allt til að koma í veg fyrir sjálfstæði Katalóníu.