Ólafía Þórunn Kristinsdóttir lauk þátttöku sinni á Swinging Skirts LPGA mótinu nú rétt í þessu en mótið hefur farið fram í Taívan undanfarna daga. Mótið er hluti af LPGA mótaröðinni.
Ólafía lék sinn besta hring í dag en hún fór hringinn á tveimur höggum undir pari eða á samtals 70 höggum. Góður endasprettur hjá Ólafíu þar sem hún fékk þrjá fugla á síðustu fjórum holunum.
Hún lýkur því leik í 67.sæti mótsins á 12 höggum yfir pari en sigurvegari mótsins er hin suður-kóreska Eun-Hee Ji sem lauk keppni á 17 höggum undir pari.
Ólafía Þórunn tveimur undir pari á lokahringnum
Tengdar fréttir
Sjö skolla hringur hjá Ólafíu
Ólafía Þórunn Kristinsdóttir er í 72. sæti eftir annan hringinn á Swinging Skirts mótinu í Tævan. Mótið er hluti af LPGA-mótaröðinni í golfi.
Þriðji hringurinn fimm yfir pari hjá Ólafíu
Ólafía Þórunn Kristinsdóttir lék þriðja hringinn á Swinging Skirts mótinu í golfi í nótt.
Ólafía á fjórum yfir pari eftir fyrsta hring
Ólafía Þórunn Kristinsdóttir er í 56.-67. sæti eftir fyrsta hringinn á Swinging Skirts mótinu í Tævan. Mótið er hluti af LPGA-mótaröðinni í golfi.
