Enn ein þrennan hjá Messi

Ingvi Þór Sæmundsson skrifar 16. október 2017 23:15

Messi-fjölskyldan á góðri stund. vísir/getty

Lífið leikur við Lionel Messi þessa dagana. Honum gengur ekki bara allt í haginn innan vallar, heldur einnig utan hans.

Messi á nefnilega von á sínu þriðja barni með eiginkonu sinni Antonellu Roccuzzo. Fyrir eiga þau synina Thiago og Mateo sem eru fimm og tveggja ára gamlir.

Roccuzzo birti mynd á Instagram í gær þar sem allir fjölskyldumeðlimirnir halda um magann á henni. Við myndina skrifaði hún Fimm manna fjölskylda.

Messi og Roccuzzo hafa verið par síðan 2008. Þau gengu í það heilaga í sumar.

Messi og félagar hans í Barcelona mæta Olympiakos í Meistaradeild Evrópu á miðvikudaginn.

Familia de 5#blessed

A post shared by AntoRoccuzzo88 (@antoroccuzzo88) on Oct 15, 2017 at 7:02am PDT

Spænski boltinn

Tengdar fréttir

Luis Suarez truflaði Messi í brúðkaupsferðinni

Það hefur líklega ekki farið framhjá mörgum að knattspyrnusnillingurinn Lionel Messi var að giftast æskuástinni sinni á dögunum og að sjálfsögðu fóru hjónin síðan í brúðkaupsferð.

10. júlí 2017 12:00

Messi náði metinu en Suarez var fljótur að ná honum

Liðsfélagarnir hjá Barcelona, Lionel Messi og Luis Suarez, deila nú metinu yfir flest skoruð mörk í Suður-Ameríku hluta undankeppni HM í fótbolta.

11. október 2017 10:30

Síðustu ellefu mánuðir hjá Messi og argentínska landsliðinu í einni táknrænni mynd

Lionel Messi skoraði þrennu í nótt og sá til þess að argentínska landsliðið verður með Íslands á heimsmeistaramótinu í Rússlandi næsta sumar.

11. október 2017 12:30

Maradona ekki boðið í brúðkaup Messi

Lionel Messi gekk að eiga unnustu sína, Antonella Roccuzzo, í heimaborg þeirra, Rosario, í gær.

1. júlí 2017 23:00

Messi kom Argentínu á HM | „Heppnir að besti fótboltamaður heims er Argentínumaður“

Lionel Messi kom argentínska landsliðinu á HM í Rússlandi þegar hann skoraði þrennu í nótt í 3-1 útisigri á Ekvador í lokaumferð Suður-Ameríku riðils undankeppninnar. Suður-Ameríkumeistarar Síle verða aftur á móti ekki með á heimsmeistaramótinu næsta sumar.

11. október 2017 08:00