Elísabet Gunnarsdóttir hefur skrifað undir nýjan samning við Kristianstad í Svíþjóð.
Elísabet hefur þjálfað liðið síðan 2009 og framlengir til tveggja ára.
„Mér líður mjög vel með að hafa skrifað undir nýjan samning. Ég er mjög ánægð og stolt að leiða liðið inn á nýjan leikvang 2018, sem verður mitt tíunda ár hjá félaginu,“ sagði Elísabet.
Stjórnarmaður félagsins, Henrik Nygren sagði: „Við erum mjög ánægð með að hafa komist að samkomulagi að vinna að því markmiði að vinna titil 2018.“
Landsliðskonan Sif Atladóttir spilar undir stjórn Elísabetar hjá Kristianstad.
Elísabet framlengir við Kristianstad
