Heimsmet: Klappar yfir sjö hundruð sinnum á einni mínútu

Kent French er heldur betur magnaður maður en hann á heimsmetið fyrir flest klöpp á 60 sekúndum.

Kent getur klappað 721 sinni á einni mínútu og er eiginlega með ólíkindum að fylgjast með honum.

Hann getur klappað tólf sinnum á sekúndu sem er í raun óskiljanlegt. Kent hitar vel upp áður en hann byrjar og síðan lætur hann til skara skríða eins og sjá má hér að neðan.

Metið setti hann árið 2003 en hann deildi myndbandi á veraldarvefnum árið 2011 sem sýnir hvernig hann fer að þessu. Myndbandið er núna að vekja mikla athygli.