Lögreglan á Austurlandi biður fólk að vera ekki á ferðinni þar að ástæðulausu næsta sólarhringinn en spáð er óvenju mikilli úrkomu á Austurlandi næsta sólarhringinn. Gert er ráð fyrir að úrhellið hefjist í kvöld og aukist smám saman í nótt og nái hámarki í fyrramálið.
„Samfara svona mikilli rigningu má búast við töluverðum vatnavöxtum í ám og lækjum auk þess sem aukin hætta er á grjót- og skriðuföllum. Vegfarendum er bent á að kynna sér vel færð á vegum sem og veðurspá áður en haldið er af stað,“ segir í tilkynningu frá lögreglu.
Fólk sé ekki á ferðinni að ástæðulausu
