Tíu ár liðin síðan Crocker bað heiminn um að láta Britney í friði og hann hefur lært margt

Það muna eflaust ekki margir eftir nafninu Chris Crocker en það muna aftur á móti margir eftir myndbandi sem hann setti inn á YouTube þar sem hann bað heiminn um að láta Britney Spears í friði.

Myndbandið vakti gríðarlega athygli en Crocker tók upp myndbandið í uppnámi yfir fjölmiðlaumfjöllun á erfiðum tímum í lífi tónlistarkonunnar. Hún hafði nýgengið í gegnum skilnað og hafði rakað af sér hárið sem vakti mikla athygli.

Sjá einnig: Britney: Stjörnuhrapið mikla

Hún var töluvert gagnrýnd og töluðu sumir um það að Spears væri að missa vitið. Þetta fór ekki vel í Crocker sem brotnaði gjörsamlega niður í myndbandinu og grátbað heiminn, þann 10. september fyrir tíu árum, um að láta poppdívuna í friði.

Crocker rifjar upp þennan dag á Twitter í dag og fer yfir það hvað hefur lært á þessum tíu árum í skemmtilegu myndbandi.

What I have learned since posting the 'Leave Britney Alone' video,

(10 years ago, today.) pic.twitter.com/iNG6vWadtR

— Chris Crocker (@ChrisCrocker) September 10, 2017