Mótshaldarar á Evian Championship-mótinu í Frakklandi, síðasta stórmóti ársins í kvennagolfinu, hafa ákveðið að aflýsa keppni dagsins. Ólafía Þórunn Kristinsdóttir er á meðal þátttakenda á mótinu og náði ekki að spila í morgun áður en keppni var hætt vegna mikillar rigningar.
Ákveðið hefur verið að skera mótið niður um einn keppnisdag og verður mótið því aðeins þrír keppnisdagar. Niðurskurðurinn verður framkvæmdur á laugardagskvöld, eftir annan keppnisdag.
Ólafía mun því eins og aðrir kylfingar spila á morgun. Sýnt verður frá mótinu í beinni útsendingu á Golfstöðinni og fylgst með gangi mála á íþróttavef Vísis.
Leik aflýst hjá Ólafíu | Verður þriggja daga mót
Tengdar fréttir
Ólafía með góðum vini og reynslubolta í ráshópi
Hefur í dag leik á Evian Championship mótinu sem er síðasta risamót ársins.
Leik frestað hjá Ólafíu | Spilar bara nokkrar holur í dag
Rigning í Frakklandi og hefur leik verið frestað á Evian Championship.
