
Besti árangur Íslendingsins á risamóti | Sjáðu brot af spilamennsku Ólafíu
Ólafía lék lokahringinn í dag á parinu. Hún átti í vandræðum á fyrri níu holunum, þar sem hún fékk m.a. skramba, en seinni níu holurnar voru mun betur spilaðar. Ólafía fékk alls fimm fugla, þrjá skolla og einn skramba á hringnum í dag.
Þetta var þriðja risamót Ólafíu í ár en það fyrsta þar sem hún kemst í gegnum niðurskurðinn.
Þorsteinn Hallgrímsson og Friðrik Þór Halldórsson tökumaður eru staddir úti í Evian í Frakklandi og fylgdust grannt með gangi mála hjá Ólafíu.
Í spilaranum hér fyrir ofan má sjá brot því besta frá spilamennsku Ólafíu í dag.
Tengdar fréttir

Ólafía lék lokahringinn í Frakklandi á pari og endaði í 48. sæti
Íslenski atvinnukylfingurinn Ólafía Þórunn Kristinsdóttir lék lokahringinn á Evian-risamótinu í golfi á pari en eftir erfiðleika um miðbik hringsins lék hún stórgott golf á lokaholunum og kom í hús á pari sem dugði henni til þess að enda í 48. sæti á mótinu.

Ólafía komst í gegnum niðurskurðinn
Ólafía Þórunn Kristinsdóttir komst í gegnum niðurskurðinn á Evian-meistaramótinu í golfi. Þetta er síðasta risamót ársins.

Brot af því besta hjá Ólafíu í dag | Myndband
Ólafía Þórunn Kristinsdóttir lék á þremur höggum yfir pari á öðrum hring Evian-meistaramótsins í dag. Þetta er síðasta risamót ársins.

Ólafía lék á pari á fyrsta degi
Er í 38. sæti sem stendur og á fínan möguleika á að komast í gegnum niðurskurðinn.

Sjáðu Ólafíu ná þremur fuglum í röð | Myndband
Ólafía Þórunn Kristinsdóttir er núna að spila fyrsta hringinn á Evian-meistaramótinu, síðasta risamóti ársins í golfi.

Ólafía: Loksins komið að því
Ólafía Þórunn, kylfingur úr GR, komst í gegnum niðurskurð á fimmta og síðasta stórmóti ársins.

Ólafía við niðurskurðarlínuna eftir annan hring í Frakklandi
Ólafía Þórunn Kristinsdóttir, kylfingur úr GR, kom í hús á þremur höggum yfir pari á öðru hring Evian risamótins í Frakklandi sem er hluti af LPGA-mótaröðinni, þeirri sterkustu í heimi en það verður ekki ljóst fyrr en seinna í dag hvort hún komist í gegnum niðurskurðinn.

Besti hringur Ólafíu Þórunnar á risamóti | Sjáið hana slá og ræða hringinn sinn
Ólafía Þórunn Kristinsdóttir spilaði í dag fyrsta hringinn á Evian risamótinu á pari sem er hennar besta spilamennska á risamóti til þessa.