Ólafía Þórunn Kristinsdóttir hækkaði sig um 15 sæti á heimslistanum í golfi milli vikna.
Ólafía lenti í 48. sæti á Evian-meistaramótinu, síðasta risamóti ársins, um helgina. Þetta var hennar besti árangur á risamóti á ferlinum.
Eftir að hafa náð 4. sætinu á Indy Women in Tech-mótinu um þarsíðustu helgi stökk Ólafía upp um 103 sæti á heimslistanum; úr 300. sæti og í 197. sæti.
Nú er hún komin upp í 182. sætið á heimslistanum og hefur því hækkað sig um 118 sæti á tveimur vikum.
Í ársbyrjun var Ólafía í 611. sæti heimslistans. GR-ingurinn hefur því stokkið upp um 429 sæti síðan fyrsti heimslisti ársins var gefinn út.
Ólafía er í 69. sæti peningalista LPGA-mótaraðarinnar. Hundrað efstu kylfingarnir fá keppnisrétt á næsta ári.
Upp um 118 sæti á heimslistanum á tveimur vikum
Tengdar fréttir
Ólafía lék lokahringinn í Frakklandi á pari og endaði í 48. sæti
Íslenski atvinnukylfingurinn Ólafía Þórunn Kristinsdóttir lék lokahringinn á Evian-risamótinu í golfi á pari en eftir erfiðleika um miðbik hringsins lék hún stórgott golf á lokaholunum og kom í hús á pari sem dugði henni til þess að enda í 48. sæti á mótinu.
Ólafía fékk 1,3 milljónir króna
Ólafía Þórunn Kristinsdóttir fékk tæplega 1,3 milljónir íslenskra króna í verðlaunafé fyrir árangur sinn á Evian-risamótinu í Frakklandi.
Besti árangur Íslendingsins á risamóti | Sjáðu brot af spilamennsku Ólafíu
Ólafía Þórunn Kristinsdóttir endaði í 48. sæti á Evian-meistaramótinu í golfi sem lauk í dag. Þetta er besti árangur Íslendings á risamóti í golfi.
Ólafía Þórunn: Ég varð ekkert reið en kannski smá pirruð
Ólafía Þórunn Kristinsdóttir varð í gær fyrst íslenskra kylfinga til að spila á lokadegi á risamóti í golfi en hún tryggði sér 48. sæti á Evian risamótinu með því að spila lokadaginn á pari.
