Þriðji sigur Ingvars og félaga í röð

Ingvar Jónsson og félagar í Sandefjord eru komnir upp í 5. sæti norsku úrvalsdeildarinnar eftir 2-1 sigur á Sogndal á heimavelli í kvöld.

Þetta var þriðji sigur Sandefjord í röð en Ingvar hefur aðeins fengið á sig tvö mörk í þessum þremur sigurleikjum.

Sandefjord komst yfir í uppbótartíma fyrri hálfleiks þegar Håvard Storbæk kom boltanum í mark Sogndal.

Reiss Greenidge jafnaði metin á 48. mínútu og allt stefndi í jafntefli. En þegar mínúta var til leiksloka skoraði Erik Mjelde sigurmark Sandefjord.

Ingvar hefur leikið 18 af 19 leikjum Sandefjord í norsku úrvalsdeildinni í sumar.