Ísland hafnaði í sjötta sæti á Norðurlandamóti U-16 liða sem lauk hér á landi í dag.
Noregur varð Norðurlandameistari eftir sigur á Dönum í úrslitaleik, 4-1, en hann fór fram á Floridana-vellinum í Árbænum.
Ísland lék gegn Finnlandi í leik um fimmta sætið. Staðan að loknum venjulegum leiktíma var 2-2 en Finnar höfðu betur í vítaspyrnukeppni.
Andri Lucas Guðjohnsen skoraði fyrra mark Íslands en það síðara var sjálfsmark.
Lokastaða mótsins:
1. Noregur
2. Danmörk
3. Svíþjóð
4. Pólland
5. Finnland
6. Ísland
7. Norður Írland
8. Færeyjar
Íslensku strákarnir í sjötta sæti
