Gangnam Style ekki lengur mest spilaða myndbandið á YouTube

Lagið Gangnam Style er ekki lengur mest spilaða myndbandið á YouTube en þetta suður-kóreska stuðlag með Psy hefur trjónað þar á toppnum í fjögur ár. 

Nú er lagið See You Again með Wiz Khalifa orðið mest spilaða myndbandið á miðlinum en þegar þessi frétt er skrifuð hefur verið horft á það myndband tæplega 2,9 milljarð sinnum.

Til að setja hlutina betur í samhengi þá myndi taka tæplega 22 þúsund ár að hlusta svona oft á See You Again.

Lagið kom út í apríl 2015 í kringum kvikmyndina Furius 7 og var það tileinkað leikaranum Paul Walker sem lést í skelfilegu bílslysi.

Það má gera ráð fyrir því að lagið Despacito farið á toppinn á næstu en núna hefur lagið verið spilað 2,5 milljarð sinnum á aðeins sex mánuðum.

1. sæti - Wiz KhalifaSee You Again (ft. Charlie Puth).

Búið er að horfa á myndbandið 2.896.029.104 sinnum.

2. sæti - PsyGangnam Style.

Búið er að horfa á myndbandið 2.894.635.839 sinnum.

3. sæti - Justin BieberSorry.

Búið er að horfa á myndbandið 2.635.919.951 sinnum.

4. sæti - Mark RonsonUptown Funk (ft. Bruno Mars).

Búið er að horfa á myndbandið 2.550.809.201 sinnum.

5. sæti - Luis FonsiDespacito (ft. Daddy Yankee).

Búið er að horfa á myndbandið 2.485.515.053 sinnum.